MALAKAVIY IMTIHONLAR

  O‘zbekiston Respublikasi Vazirlar Mahkamasi huzuridagi Oliy attestatsiya komissiyasi Rayosatining 2016 yil 28 yanvardagi 220/2-son qarori bilan tasdiqlangan “Malakaviy imtihonlarni o‘tkazish tartibi to‘g‘risidagi NIZOM”ga asosan falsafa doktori (Doctor of Philosophy) ilmiy darajasini olish uchun dissertatsiya tadqiqotlarini olib borayotgan izlanuvchilar quyidagilardan malakaviy imtihonlarni topshiradi:
-ixtisoslik (dissertatsiya mavzusiga muvofiq). Matematik modellashtirish asoslari fani bo‘yicha savollar aniq va tabiiy fanlar, Matematik statistika asoslari fani bo‘yicha savollar esa, iqtisodiyot, tibbiyot va pedagogika fanlari (ixtisosliklari) bo‘yicha malakaviy imtihonlar savollari tarkibiga kiritiladi;
-chet tili (ingliz, fransuz yoki nemis tili). Dissertatsiyani bajarish uchun boshqa chet tilini bilish talab qilinadigan hollarda, chet tilidan malakaviy imtihon ish bajarilayotgan muassasaning taqdimnomasi asosida O‘zbekiston Respublikasi Vazirlar Mahkamasi huzuridagi Oliy attestatsiya komissiyasi (bundan buyon matnda OAK deb yuritiladi) bilan kelishilgan holda taqdimnomada ko‘rsatilgan chet tilidan topshiriladi. Bunda IELTS (o‘rtacha 5,5 balldan kam bo‘lmagan), TOEFL (RVT) (567 balldan kam bo‘lmagan), TOEFL (iBT) (87 balldan kam bo‘lmagan) hamda kamida V2 darajasidagi CEFR, Test DaF (Test Deutsch als Fremdsprache fur auslandische Studienbewerber), GOETNE-ZERTIFIKAT, DALF (Diplome approfondi de langue francaise) va Davlat test markazining malakaviy sertifikatga ega bo‘lgan izlanuvchilar mazkur hujjatlarning amal qilish muddati davomida chet tili bo‘yicha malakaviy imtihonni topshirishdan ozod etiladi.
        Malakaviy imtihonlarni qabul qilish sessiya shaklida fevral, may, noyabr va dekabr oylarida belgilangan reja asosida o‘tkaziladi, mazkur Nizomning 23-bandida nazarda tutilgan hollar bundan mustasno

Samarqand veterinariya medisinasi institutida O’zbekiston Respublikasi Vazirlar Mahkamasi huzuridagi Oliy Attestasiya  Komissiyasi  Rayosatining 2016 yil 28 yanvardagi 220/2 – sonli qarori bilan tasdiqlangan “Malakaviy imtihonlarni o’tkazish tartibi to’g’risidagi nizomni tasdiqlash haqida”gi qarori, “Malakaviy imtihonlarni o’tkazish tartibi to’g’risidagi Nizomi” va O’zbekiston Respublikasi Oliy Attestasiya Komissiyasining Qishloq xo’jaligi va veterinariya fanlari bo’yicha ekspert kengashi tavsiyasi asosan 2020 yil fevral oyida o’tkaziladigan malakaviy imtihonlar to’g’risidagi ma’lumot.